Заключны этап рэспубліканскай алімпіяды па беларускай мове і літаратуры

З 27 па 31 сакавіка 2017 года ў Гомелі адбыўся заключны этап рэспубліканскай алімпіяды па беларускай мове і літаратуры. У алімпіядзе прынялі ўдзел  прадстаўнікі з усіх абласцей рэспублікі, г.Мінска і ліцэя БДУ, а таксама навучэнцы з Літоўскай Рэспублікі і Рэспублікі Польшча.

У ліку прадстаўнікоў Брэсцкай вобласці была і вучаніца 9 класа нашай школы Вікторыя Дземідовіч. Інтэлектуальныя спаборніцтвы праходзілі ў IIIтуры: I – тур - напісанне водгуку на прапанаваны літаратурны твор, II тур – комплексная работа, III тур – вуснае выказванне. Годна вытрымаўшы гэты іспыт, Вікторыя атрымала дыплом IIIступені.

Шчыра віншуем цябе, Вікторыя!